Spergilkálssalat með eplum

Þetta ferska spergilkálssalat með eplum er bæði stökkt, bragðmikið og einfalt að útbúa. Eplin passa einstaklega vel með spergilkáli, rauðlauk og ristuðum sesamfræjum, en skyr- og sesamdressingin setur punktinn. yfir i-ið.

Salatið hentar vel sem léttur hádegisverður eða sem meðlæti með kjúklingi og öðrum aðalréttum.

2 lítil spergilskálsshöfuð

2 lítil epli

1 rauðlaukur

2 msk ristuð sesamfræ

Dressing

• 6 msk skyr

• 4 msk majónes

• 1–2 tsk dökk sesamolía

• sjávarsalt eftir smekk

Aðferð

Skerið spergilkálið í litla bita og snöggsjóðið í léttsöltu vatni í um 1- 2 mínútur. Spergilkálið á enn að vera stökkt, svo passið að sjóða það ekki of lengi. Skolið það síðan strax undir köldu vatni og látið renna vel af.

Skerið eplin í litla teninga og saxið rauðlaukinn smátt. Blandið eplum, rauðlauk, spergilkáli og ristuðum sesamfræjum saman. Hrærið hráefnunum í dressinguna vel saman og smakkið til. Blandið dressingunni vel saman við salatið.