Hrískökur með hnetusmjöri og súkkulaði

Stundum er einfalt best. Þessar súkkulaðihjúpuðu hrískökur eru stökkar að utan, mjúkar og karamellukenndar í miðjunni og ótrúlega einfaldar í útbúningi. Döðlurnar gefa náttúrulega sætu og verða að silkimjúkri fyllingu þegar þær eru maukaðar með hnetusmjöri. Þær minna á sörur í hollari kantinum.

• 5 hrískökur

• 100 g dökkt súkkulað

Hnetusmjörsfylling:

• 1 bolli steinhreinsaðar döðlur

• 5 msk. hreint hnetusmjör

• 5 msk. vatn

• ½ tsk. vanilludropar

• ¼ tsk. Maldon-salt

1. Maukaðu döðlur, hnetusmjör, vatn, vanillu og Maldon-salt þar til blandan verður mjúk og kremkennd.

2. Smyrðu ríflegu lagi af fyllingunni yfir hverja hrísköku.

3. Bræddu súkkulaðið og hjúpaðu hrískökurnar með brædda súkkulaðinu.

4. Settu þær í kæli þar til súkkulaðið hefur stífnað - geymist í kæli eða frysti.